ACTIVIDADES PARA OS DÍAS 27, 28 E 29.

MÉRCORES: BIBLIO

Hoxe propoñemos o seguinte conto: EL PEZ ARCOIRIS ou elixide vós o que queirades.

4º EI: facer un debuxo dese conto e poñer o nome.

5º EI: debuxo, intentan recoñecer as letras do título e despois poden poñer o título do conto, o seu nome e a data longa: MÉRCORES 27 DE MAIO DE 2020.

6º EI: debuxo, len as letras do título e escríbeno, poñen a data (EN MINÚSCULA: Mércores 27 de maio de 2020). Tamén poden poñer o autor do libro.

ACTIVIDADE COMPLEMENTARIA: DEBUXO EN 3D

Grazas a “Cerebrito Perez” podemos pintar peixes e despois coa app Cerebrito color fish podemos facelo realidade.

https://www.maestea.com/2020/05/nuestro-dibujo-en-3d.html

Deixámosvos aquí un enlace para descargar os debuxos que hai que colorear por se vos animades con esta actividade.

https://drive.google.com/file/d/1DzimVPwWdHb7BUve_XkkpSJ_qInOyUgF/view?usp=sharing

XOVES:  ESTIRAMOS E XOGAMOS CO TELÉFONO MATEMÁTICO.

IMOS ESTIRAR AS NOSAS PERNAS E BRAZOS PARA DESPOIS SALTAR.

Canción:

TELÉFONO MATEMÁTICO

Colledes un folio e poñedes os números no chan do 1 ó 9 como se estiveran colocados no telefono e o xogo consiste en:

4º EI: Identificar os números e contamos ata o número 9. Despois podemos coller obxectos e poñer encima de cada número tantos obxectos como se indica. Ata o número 3.

5º EI: Identificar os números e contamos ata o número 9. Despois podemos coller obxectos e poñer encima de cada número tantos obxectos como se indica. Ata o número 9.

6º EI: As familias poderán dicirlle calquera número o azar. Por exemplo o 47 e o neno teran que pisar os números 4 e 7. Despois de dicir varios números podemos facer unha serie de números ata onde queiramos .

VENRES: RECEITA CON CONSERVAS.

HAI MOITO PEIXE QUE O ATOPAMOS EN CONSERVAS, ESTA ACTIVIDADE CONSISTE EN QUE NOS PROPAÑADES UNHA COMIDA OU ELABOREDES ALGO COAS CONSERVAS. OS NENOS PODEN FACER DEBUXOS OU ESCRIBILA, CADA UN COMO QUEIRA.

CANCIÓN: 

Os que queirades podedes enviarnos esta actividade, á dirección de correo electrónico infantilveleiro@gmail.com ata o 1 de xuño.

ACTIVIDADES PARA O MÉRCORES 29 E O XOVES 30 DE ABRIL.

MÉRCORES: CREATIVIDADE

Para hoxe ides precisar un tubo de papel hixiénico e  a ver que ideas se vos ocorren para facer con el. Achegamos algunhas propostas:

  

5º EI: Colleran un folio e escribirán o que fixeron e poñerán a data longa: MÉRCORES 29 ABRIL DE 2020.

OLLO: os nenos de 4 anos non van escribir a palabra correctamente, non pasa nada. Deixádelles primeiro que pensen en alto a palabra que queren escribir. Non os corrixades o seu pensamento lectoescritor está comezando a poñerse en marcha. Por exemplo: se fan unha mariposa é moi probable que escriban: AIOA

6º EI: Colleran un folio, escribirán o que fixeron e poñerán a data longa en minúscula: Mércores de 29 abril de 2020.

XOVES: PROPOÑEMOS UNHA RECEITA: 

GOMINOLAS CASEIRAS DE FROITAS

(ou podedes facer outra receita que vos guste)

INGREDIENTES:

v250 ML  DE ZUME DE LARANXA (ou outra froita que teñades pola casa; se empregamos fresas: triturámolas e bótaselles un pouco de leite e xelatina dese sabor).

vUN SOBRE DE XELATINA DE LARANXA

vUN SOBRE DE XELATINA NEUTRA

MODO DE FACELO:

1º MISTÚRASE TODO, E PONSE A QUENCER SEN QUE CHEGUE A FERVER PARA QUE NON PERDA PROPIEDADES.

2º BOTÁMOLO NOS MOLDES, PREVIAMENTE UNTADOS EN ACEITE, PARA QUE ENFRÍE 4-6 HORAS.

Por exemplo podemos empregar os moldes que teñamos na casa para facer xeo! Ou un molde normal e cortamos despois en trociños pequenos.

AMENIZAMOS CON UNHA CANCIÓN: A HORTA DE BALBINA

4º EI: Unha vez rematada a receita poden facer un debuxo do proceso e escribir o seu nome.

5º EI: Colleredes un folio e coa vosa axuda escribirá o título da receita que fixo con vós e poñerá o nome cos apelidos (os apelidos poñédellos noutro folio para que vaia recoñecendo letras e a vez trazándoas). Despois poden facer un debuxo do resultado do prato que elaborou.

6 º EI: Intentaran escribir os ingredientes da receita e despois tamén pode facer un debuxo do resultado, así como poñer nome e apelidos.

¡NON ESQUEZADES  XOGAR MOITO!