O equipo de Educación Infantil, do CEIP Veleiro Docampo, poñemos en marcha este blogue, para facer chegar ás famlias, recursos e actividades de carácte lúdico, e sempre voluntarias, para levar da mellor forma posible este terceiro trimestre tan inusual.
E recordade, xogade moito, que xogando é como mellor se aprende!
Os nenos e nenas de 6º EI, recordade que poden ler todos os días un ratiño, cada un ao seu ritmo e sen agobios. Tamén poden escribir frases sinxelas.
LUNS:PAPEL DE COCIÑA
Precisamos un anaco de papel de cociña e rotus.Temos que repasar o debuxo do papel sen que rompa e despois a ver que se vos ocorre facer co papel decorado.
OLLO: Fixádevos ben, hai que repasar polos puntiños e non pode romper o papel, recordade non gramar o rotu e non deixálo moito tempo no papel para que non rompa.
MARTES: BIBLIO
Lemos un conto que teñamos pola casa:
4º EI: facer un debuxo dese conto e poñemos o nome.
5º EI: debuxo, intentan recoñecen as letras do título e despois poden poñer o título do conto, o seu nome e a data longa: MARTES 2 DE XUÑO DE 2020.
6º EI: debuxo, len as letras do título e escríbeno e poñen a data (EN MINÚSCULA: Martes 2 de xuño de 2020). Tamén poden poñer o autor do libro.
4º EI: Xogamos a calcar a sombra dos obxectos que teñamos pola casa dunha forma divertida e despois decoraremos como cada un queira.
5º EI: Calcamos a sombra, e no mesmo folio poñerán o nome e os apelidos. Recordade: os apelidos debedes poñerllos vós noutro papel aparte para que copien e identifiquen letras.
6ºEI: Calcamos a sombra, poñerán nome e apelidos e tamén escribirán o nome do que calcaron.
XOVES: XOGAMOS COS NÚMEROS
4º EI: Facemos tarxetas cos números do 1 ó 5. Os nenos terán que contar tantos obxectos como indique a tarxeta e introducilos nun prato ou outro recipiente que teñades pola casa. Tamén podemos xogar coas cores, indroducir obxectos dunha mesma cor e na cantidade que nos indique a tarxeta.
5º EI: Imos xogar a sumar e para iso precisamos 3 pratos e diferentes obxectos. Arriba de cada prato poñeremos trozos de papel para que os nenos grafíen o número de elementos que hai en cada prato. O último prato é para o resultado final (onde deben aparecer todos os elementos). Veña a contar!
6º EI: despois de xogar cos elementos nos pratos: podedes escribir as sumas nun papel. Poñeredes a data corta: 7-05-2020.
CANCIÓN:
VENRES: FACEMOS IOGA
Imos aproveitar o día para facer un pouco de exercicio.
Recordámosvos que na páxina web do centro tedes o enlace do blogue do profe Pablo, onde tedes máis exercicios, algúns adaptados a infantil. Tamén vos deixaremos o enlace, por aquí, na columna da dereita, no apartado de enlaces de interese.
Os nenos e nenas de 6º EI, recordade que poden ler todos os días un ratiño, cada un ao seu ritmo e sen agobios.
LUNS: GRAFISMOS
Imos coller un folio e imos a facer raias de cores con rotus: rectas, curvas, onduladas, en pico, en espiral, etc.
4º EI: xogamos a facer raias de cores e moitas formas.
5º EI: poñerán a data curta (4-05-2020) e o nome .
6º EI: poñerán a data curta (4-05-2020) e o nome cos apelidos.
CANCIÓN:
MARTES: BIBLIO
Lemos un conto que teñamos pola casa:
4º EI: facer un debuxo dese conto. Os que queiran poden copiar o seu nome, sempre en maiúsculas.
5º EI: debuxo do conto, intentan recoñecer as letras do título e despois poden poñer o título do conto, o seu nome e a data longa: MARTES 5 MAIO DE 2020.
6º EI: debuxo, len as letras do título e escríbeno e poñen a data (EN MINÚSCULA: Martes 5 de maio de 2020). Tamén poden poñer o autor do libro.
5º EI: debuxan e intentan recoñecen as letras do título. Despois poden poñer o título do conto, o seu nome e a data longa: MÉRCORES 22 ABRIL DE 2020.
6º EI: debuxan, len as letras do título, escríbeno e poñen a data. Tamén poden escribir o nome do autor do libro.
XOVES: DÍA DO LIBRO.
Creamos un personaxe dun conto. Collemos un folio e podemos debuxar, recortar, construír o personaxe que queiramos. Será o personaxe principal do noso conto. Podedes intentar facer con el un conto oral, preguntándolles aos nenos e nenas que personaxe construíron, onde vive, se vive coa súa familia, que fai, que lle gusta, cal é a súa comida preferida....
Imos comezar a semana facendo un debuxo da primavera, para iso debemos pensar no mes que estamos e que podemos ver para observar a estación na que estamos: ¿Cómo están as arbores, hai paxariños, que máis animais podemos ver, hai flores…..?
Todas as mestras estamos convencidas de que sodes uns grans artistas, así que imos coller moitas cores e poñernos a debuxar;
4º EI: debuxo da primavera
5º EI: debuxo da primavera e a familia deberá poñer en letras maiúsculas a palabra PRIMAVERA (noutro folio) para que o escriban no folio do debuxo.
6º EI: debuxarán e poñerán o nome dos elementos que debuxaron.
Mentres debuxades podemos amenizar con unha canción:
Lembrade, os nenos de 4 e 5 anos deben poñer o nome nos debuxos
MARTES: LÓXICA-MATEMÁTICA
Imos a contar obxectos da nosa casa: ventás, portas, camas, cadeiras, etc (o que se vos ocorra).
4ºEI: conteo de elementos que teñamos pola casa. Despois podedes practicar con pinzas dicíndolles os números do 1 ó 3. Por exemplo dicímoslle o número 2 e os nenos deben coller 2 pinzas.
5º EI: Apuntamos nun folio o que esteñamos contando e practicamos a grafía unhas poucas veces. Por detrás do folio podemos debuxar algún dos obxectos que escollestes para contar. Poñemos a data corta: 21-04-2020 e o nome. Despois colledes pinzas ou calquera outro material que teñades na casa e ídeslles dicindo un número do 1 ó 10 e que eles conten tantas pinzas como o número que lles dixestes.
6º EI: escribir os números do 1 ó 20 e do 20 ó 1. Tamén poden inventar sumas e restas sinxelas e intentar facelas. Poñeran a data corta: 21-04-2020.
Canción:
OLLO: VALORARE AS PRODUCIÓNS DOS NENOS E NENAS, OS NÚMEROS NON VAN SAÍR PERFECTOS, ASÍ QUE NON VOS PREOCUPEDES. SE OS QUEREDES CORREXIR NON LLES DIGADES QUE ESTÁN MAL, PODEDES DECIRLLES.... MIRA EU COMO O FAGO, PROBA TI DE NOVO.
Estes exercicios parecen moi doados, pero resúltanlles complexos, polo que paciencia. É normal que se equivoquen, porque o concepto do número é moi abstracto.
