ACTIVIDADES PARA O MÉRCORES 29 E O XOVES 30 DE ABRIL.

MÉRCORES: CREATIVIDADE

Para hoxe ides precisar un tubo de papel hixiénico e  a ver que ideas se vos ocorren para facer con el. Achegamos algunhas propostas:

  

5º EI: Colleran un folio e escribirán o que fixeron e poñerán a data longa: MÉRCORES 29 ABRIL DE 2020.

OLLO: os nenos de 4 anos non van escribir a palabra correctamente, non pasa nada. Deixádelles primeiro que pensen en alto a palabra que queren escribir. Non os corrixades o seu pensamento lectoescritor está comezando a poñerse en marcha. Por exemplo: se fan unha mariposa é moi probable que escriban: AIOA

6º EI: Colleran un folio, escribirán o que fixeron e poñerán a data longa en minúscula: Mércores de 29 abril de 2020.

XOVES: PROPOÑEMOS UNHA RECEITA: 

GOMINOLAS CASEIRAS DE FROITAS

(ou podedes facer outra receita que vos guste)

INGREDIENTES:

v250 ML  DE ZUME DE LARANXA (ou outra froita que teñades pola casa; se empregamos fresas: triturámolas e bótaselles un pouco de leite e xelatina dese sabor).

vUN SOBRE DE XELATINA DE LARANXA

vUN SOBRE DE XELATINA NEUTRA

MODO DE FACELO:

1º MISTÚRASE TODO, E PONSE A QUENCER SEN QUE CHEGUE A FERVER PARA QUE NON PERDA PROPIEDADES.

2º BOTÁMOLO NOS MOLDES, PREVIAMENTE UNTADOS EN ACEITE, PARA QUE ENFRÍE 4-6 HORAS.

Por exemplo podemos empregar os moldes que teñamos na casa para facer xeo! Ou un molde normal e cortamos despois en trociños pequenos.

AMENIZAMOS CON UNHA CANCIÓN: A HORTA DE BALBINA

4º EI: Unha vez rematada a receita poden facer un debuxo do proceso e escribir o seu nome.

5º EI: Colleredes un folio e coa vosa axuda escribirá o título da receita que fixo con vós e poñerá o nome cos apelidos (os apelidos poñédellos noutro folio para que vaia recoñecendo letras e a vez trazándoas). Despois poden facer un debuxo do resultado do prato que elaborou.

6 º EI: Intentaran escribir os ingredientes da receita e despois tamén pode facer un debuxo do resultado, así como poñer nome e apelidos.

¡NON ESQUEZADES  XOGAR MOITO!

NOVO BLOGUE DE AUDICIÓN E LINGUAXE.

O noso compañeiro  Jose Ángel, mestre de audición e linguaxe, facilítanos o enlace ao seu blogue, onde pon a disposición de todo o alumnado do centro e as súas familias, diferentes recursos relacionados coa súa área.
Podedes atopar diferentes actividades de estimulación da linguaxe, moi axeitadas para a etapa educativa na que nos atopamos.

Deixovos o enlace por aquí, pero tamés estará de forma permanente na barra lateral no apartado de enlaces de interese.
https://onosorecunchodeaudicionelinguaxe.blogspot.com/2020/04/imos-entrenar-as-praxias-o-sopro-e.html

NOVA PESTANA NO BLOGUE.

A semana pasada, creamos unha nova pestana no blogue, chamada O TABOLEIRO DOS SAÚDOS.
Nesta pestana apararece un taboleiro onde podedes deixar mensaxes ou subir imaxes das actividades que facedes estos días, que seguro que son chulísimas. Estamos desexando velas!

PROPOSTA DE ACTIVIDADES PARA OS DÍAS 27 E 28.

LUNS: LÓXICA- MATEMÁTICA

IMOS A FACER SERIES (con elementos que teñamos pola casa, nós propoñemos estes pero podedes adaptalos).

4ºEI: CUCHARA - TENEDOR.

5ºEI: CUCHARA - CUCHARILLA - TENEDOR.

Collemos un folio e escribimos os números do 1 ó 10 e que eles copien esa serie. Poñemos a data corta:27-04-2020 e o nome no folio.

6ºEI: CUCHARA- PINZA- CUCHARILLA- TENEDOR.

Despois podemos coller un folio, poñer os números que queirades e facer o anterior e posterior ou seguir os dous números seguintes ou contar para atrás dous. Por exemplo: poñemos o número 29.

28 29 30

29 30 31

27 28 29

Poñemos a data corta: 27-04-2020, o nome e os apelidos no folio.

MARTES: BIBLIO

Lemos un conto que teñamos pola casa:

4º EI: facer un debuxo dese conto. Os que queiran poden copiar o seu nome, sempre en maiúsculas. 

5º EI: debuxo do conto, intentan recoñecer as letras do título e despois poden poñer o título do conto, o seu nome e a data longa: MARTES 28  ABRIL  DE 2020.

6º EI: debuxo, len as letras do título e escríbeno e poñen a data (EN MINÚSCULA: Martes 28 de abril de 2020). Tamén poden poñer o autor do libro.

Os nenos e nenas de 6º EI, recordade que poden ler todos os días un ratiño, cada un ao seu ritmo e sen agobios.

PROPOSTA DE ACTIVIDADES PARA OS DÍAS 22, 23 E 24 DE ABRIL.

MÉRCORES: BIBLIO

Lemos un conto que teñamos pola casa:

4º EI: facer un debuxo dese conto.

5º EI: debuxan e intentan recoñecen as letras do título. Despois poden poñer o título do conto, o seu nome e a data longa: MÉRCORES 22 ABRIL  DE 2020.

6º EI: debuxan, len as letras do título, escríbeno e poñen a data. Tamén poden escribir o nome  do autor do libro.

XOVES: DÍA DO LIBRO.

Creamos un personaxe dun conto. Collemos un folio e podemos debuxar, recortar, construír o personaxe que  queiramos. Será o personaxe principal do noso conto. Podedes intentar facer con el un conto oral, preguntándolles aos nenos e nenas que personaxe construíron, onde vive, se vive coa súa familia, que fai, que lle gusta, cal é a súa comida preferida....

Deixámosvos uns exemplos neste enlace:

 https://www.escolaimaxinada.com/post/animalario-fant%C3%A1stico

VENRES: XOGAMOS CON PLASTILINA

A plastilina ofrécenos moitas posibilidades, deixade voar a imaxinación.

Por se non tedes plastilina na casa, deixámovos un enlace onde podedes atopar receitas para facela na casa.

https://www.pequeocio.com/9-recetas-de-plastilina-casera/

LEMBRADE: son suxerenecias de actividades moi sinxelas que podedes adaptar ou facer a vosa maneira.

PROPOSTA PARA O LUNS 20 E O MARTES 21 DE ABRIL.

LUNS: DEBUXO

Imos comezar a semana facendo un debuxo da primavera, para iso debemos pensar no mes que estamos e que podemos ver para observar a estación na que estamos: ¿Cómo están as arbores, hai paxariños, que máis animais podemos ver, hai flores…..?

Todas as mestras estamos convencidas de que sodes uns grans artistas, así que imos coller moitas cores e poñernos a debuxar;

4º EI: debuxo da primavera

5º EI: debuxo da primavera e a familia deberá poñer  en letras maiúsculas a palabra PRIMAVERA (noutro folio)  para que o escriban no folio do debuxo.

6º EI: debuxarán e poñerán o nome dos elementos que debuxaron.

Mentres debuxades podemos amenizar con unha canción: 

Lembrade, os nenos de 4 e 5 anos deben poñer o nome nos debuxos

MARTES: LÓXICA-MATEMÁTICA

Imos a contar obxectos da nosa casa: ventás, portas, camas, cadeiras, etc (o que se vos ocorra).

4ºEI: conteo de elementos que teñamos pola casa. Despois podedes practicar con pinzas dicíndolles os números do 1 ó 3. Por exemplo dicímoslle o número 2 e os nenos deben coller 2 pinzas.

5º EI: Apuntamos nun folio o que esteñamos contando e practicamos a grafía unhas poucas veces. Por detrás do folio podemos debuxar algún dos obxectos que escollestes para contar. Poñemos a data corta: 21-04-2020 e o nome. Despois colledes pinzas ou calquera outro material que teñades na casa e ídeslles dicindo un número do 1 ó 10 e que eles conten tantas pinzas como o número que lles dixestes.

6º EI: escribir os números do 1 ó 20 e do 20 ó 1. Tamén poden inventar sumas e restas sinxelas e intentar facelas. Poñeran a data corta: 21-04-2020.

Canción:

OLLO: VALORARE AS PRODUCIÓNS DOS NENOS E NENAS, OS NÚMEROS NON VAN SAÍR PERFECTOS, ASÍ QUE NON VOS PREOCUPEDES. SE OS QUEREDES CORREXIR NON LLES DIGADES QUE ESTÁN MAL, PODEDES DECIRLLES.... MIRA EU COMO O FAGO, PROBA TI DE NOVO.

Estes exercicios parecen moi doados, pero resúltanlles complexos, polo que paciencia. É normal que se equivoquen, porque o concepto do número é moi abstracto.

BENVIDA

Para dar inicio a este blogue, non encontramos mellor xeito, que mandando un montón de bicos a eses campións e campioas que o están facendo xenial quedándose na casa.